Իրանական իշխանությունները պետք է անհապաղ ազատ արձակեն ընդդիմադիր գործիչներին. Human Rights Watch

Իրան 15 Փետրվար, 2013 11:45

Իրանական հեղինակությունները պետք է անհապաղ ազատ արձակեն 2 նախագահական թեկնածուներ Մեհդի Քարուբիին և Միր Հուսեին Մուսավիին և վերջինիս կնոջը Զահրա Ռահնավարդին, գրող և նոբելյան մրցանակակիր Շիրին Էբադին և մարդու իրավունքների 6 պաշտպանի: Իշխանությունները նաև պետք է դադարեցնեն հետապնդել և անհապաղ ազատ արձակել Մուսավիի 2 աղջկան և Քարուբիի որդուն:

Amnesty International («Միջազգային համաներում») և Human Rights Watch («Մարդու իրավունքների պաշտպան») կազմակերպությունները, ինչպես նաև Իրանում մարդու իրավունքների պաշտպանության միջազգային արշավը, Իրանում մարդու իրավունքների պաշտպանության լիգան և Լրագրողներ՝ առանց սահմանների կազմակերպությունները ստորագրել են բողոքի նոտան:

2011 թվականի փետրվարի 14-ին նախագահական ընտրություններից հետո տնային կալանքի ենթարկեցին նախագահի 2 թեկնածուներին և վերջինիս կանանց, իսկ 2013-ի փետրվարի 11-ին ձերբակալեցին և նույն օրը երեկոյան ազատ արձակեցին Մուսավիի 2 աղջիկներին և Քարուբիի որդուն:

Հիշեցնենք, որ նախկին վարչապետ Միր Հուսեին Մուսավին և ԱԺ խոսնակ Քարուբին իրենց թեկնածությունն էին դրել 2009-ի նախագահական ընտրությունների ժամանակ, որոնցում հաղթանակ տարավ ներկայիս նախագահ Մահմուդ Ահմադինեժադը:

Ընտրություններից հետո բազմաթիվ բողոքի ցույցեր կազմակերպվեցին, սակայն այդ ցույցերը ոչ մի օգուտ չունեցան և ձերբակալվեցին բազմաթիվ ընդդիմադիր գործիչներ: