Իրանին պետք չէ միջուկային զենք. հոգևոր առաջնորդ
Իրան
Իրանին միջուկային զենք պետք չէ, սակայն եթե այն մեզ անհրաժեշտ լիներ, և մենք ցանկանայինք այն ստեղծել, ապա աշխարհում ոչ մի ուժ չէր կարող խոչընդոտել դրան. շաբաթ օրը Թեհրանում Իրանի Արևելյան Ադրբեջան նահանգի բնակչության հետ հանդիպման ժամանակ հայտարարել է Իրանի իսլամական հանրապետության հոգևոր առաջնորդ Ալի Խամենեին. գրում է ISNA գործակալությունը:
«Մեր կրոնական ուսմունքի համաձայն՝ բոլոր տեսակի ատոմային զենքերը պետք է ոչնչացվեն, և դրանք մեզ պետք չեն: Սակայն եթե մեր հավատը մեզ թույլ տար, և մենք էլ կարիք ունենայինք միջուկային ռումբ ստեղծել, ապա ոչ մի ուժ մեզ չէր խանգարի»,-ասել է Այաթոլլահ Ալի Խամենեին:
Հիշեցնենք, որ 2012թ. փետրվարի 22-ին Այաթոլլահ Խամենեին հայտարարել էր, որ Իրանի իսլամական հանրապետությունը գտնում է, որ միջուկային զենքը «ծանր մեղք» է տրամաբանության և կրոնի տեսանկյուններից:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
