Իրանում ձերբակալել են նախագահի վրա կոշիկ նետողներին

Իրանում սեպտեմբերի 28-ին «Մեհրաբադ» միջազգային օդանավակայանում տեղի ունեցած միջադեպի կապակցությամբ, ուր նախագահ Հասան Ռոհանիի վրա ձվեր, քարեր և կոշիկներ էին նետել, 2 կասկածյալ է ձերբակալվել. տեղեկացնում է Agence France-Presse-ը: 

Ոստիկանության ներկայացուցչի խոսքերով` իրավապահ մարմինների ուշադրությունn առաջին հերթին գրավել են նրանք, ովքեր ոտաբոբիկ են եղել: Ընդ որում, նշվուm է, որ ձերբակալությունն իրականացրել է ոչ թե  ոստիկանությունը, այլ անվտանգության համար պատասխանատու իրավապահ մեկ այլ ծառայություն:

Ռոհանիի դեմ ուղղված բողոքի ակցիային մասնակցել էր ընդհանուր առմամբ 70 երիտասարդ պահպանողական, որոնց զայրացրել էր ԱՄՆ-ի նախագահ Բարաք Օբամայի հետ Իրանի նախագահի ունեցած հեռախոսազրույցը: Իսլամիստական արմատականներից բացի` Իրանի նախագահի այս քայլը ողջունեցին երկրի ԶԼՄ-ների և հասարակական շարժումների մեծ մասը: