Ինձ դատելու կոչը չստացված «փիարի» արդյունք է. Գորբաչով

ԽՍՀՄ նախկին նախագահ Միխայիլ Գորբաչովը «հիմարություն» է համարել իրեն ԽՍՀՄ-ի փլուզման համար դատի տալու Պետդումայի մի քանի պատգամավորների կոչը: Այս մասին հայտնում է forbes.ru-ն:

Գորբաչովը Interfax.ru-ին տված հարցազրույցում հայտնել է, որ այդ հայտարարություններով որոշ պատգամավորների փորձում են անձնական «փիարով» զբաղվել, քանի որ նրանց դուր է գալիս, երբ իրենց մասին շատ են խոսում:

«Այս կոչը չմտածված քայլերի արդյունք է և պատմական փաստերի տեսանկյունից բացարձակ անհիմն, իսկ վերջին 20 օրվա ընթացքում էլ մի քանի անգամ հաղորդել են, որ ես արդեն մահացել եմ: Ես, իհարկե, նման հայտարարություններին չեմ արձագանքում»,-ասել է Գորբաչովը:

Նա նաև նշել է, որ եթե հետևենք պատգամավորների տրամաբանությանը, ապա ԽՍՀՄ փլուզումից հետո անհրաժեշտություն կառաջանա շատերին հավաքել իրար գլխի:

Հիշեցնենք, որ ռուսաստանցի պատգամավորները ՌԴ-ի գլխավոր դատախազ Յուրի Չայկային առաջարկել են ԽՍՀՄ-ի փլուզումն ապօրինի ճանաչել և պատասխանատվության ենթարկել ԽՍՀՄ-ի առաջնորդ Միխայիլ Գորբաչովին։