ԱՄՆ-ում առնվազն ինը մարդ է զոհվել դպրոցական ավտոբուսի վթարի հետևանքով

Դպրոցականների փոխադրող ավտոբուսը բեռնատարի է բախվել Կալիֆոռնիայի նահանգի Օռլանդ քաղաքից ոչ հեռու ձգվող արագընթացիկ ավտոճանապարհին, ինչի հետևանքով զոհվել է 9, վիրավորվել՝ 32 մարդ: Այդ մասին ապրիլի 11-ին հաղորդել է ABC հեռուստաալիքը:

Կալիֆոռնիայի ճանապարհապարեկային ծառայության տվյալներով՝ FedEx ընկերությանը պատկանող բեռնատար ավտոմեքենայի վարորդը կորցրել է մեքենայի կառավարումը և մտել է հանդիպական գոտի, որտեղ բախվել է ավտոբուսին: Երկու փոխադրամիջոցներն էլ այրվել են:

Ավտոբուսում եղել է 46 դպրոցական, որոնք ուղևորվում էին նահանգի հյուսիսային մասի քոլեջներ:

Կատարվում է միջադեպի հետաքննություն, հաղորդել է ՌԻԱ Նովոստին: