Հիլարի Քլինթոնի վրա կոշիկ են նետել
Աշխարհ
ԱՄՆ-ի նախկին պետքարտուղար Հիլարի Քլինթոնի վրա կոշիկ են նետել Լաս Վեգասում կայացած՝ նրա դասախոսության ժամանակ: Միջադեպը տեղի է ունեցել այն բանից հետո, երբ քաղաքական գործիչը բեմ է դուրս եկել, որպեսզի Mandalay Bay հյուրանոց-խաղատանը ելույթ ունենա խորհրդակցության մասնակիցների առջև:
Խորհրդաժողովը կազմակերպել էր Արդյունաբերական թափոնների վերամշակման ինստիտուտը, որի գործունեությանը մասնակցում են 1700 ընկերություններ, որոնք զբաղվում են որպես հումք օգտագործվող տարբեր նյութերի արտադրությամբ, մշակմամբ և օգտագործմամբ:
Մեղավորը եղել է մի կին, որը նշված չի եղել հավատարմագրված հյուրերի ցուցակում: Աշխատակիցները փորձել են փակել չարագործ կնոջ ճանապարհը, սակայն նա կարողացել է ճեղքել-անցնել դեպի բեմ: Կինը կոշիկ է նետել Քլինթոնի ուղղությամբ, սակայն վերջինս կարողացել է մի կողմ թեքվելով խույս տալ, և այն անցել է նրա գլխի մոտով: Կարգազանց կնոջն անմիջապես բռնել են և հանձնել իրավապահ մարմինների աշխատողներին: Այժմ նա գտնվում է կալանքի տակ, նրա անունը չի հայտնվում, հաղորդել է CNN-ը: Արարքի դրդապատճառների մասին ոչինչ չի հաղորդվում:
Նախկին պետքարտուղարը պատահարին վերաբերվել է հումորով: «Աստված իմ, ես չգիտեի էլ, որ պինդ թափոնների օգտահանումն այսքան վիճահարույց հարց է»,- խայթիչ կերպով նշել է Քլինթոնը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
