Պետխորհրդի նիստում հաստատվեց Ղրիմի Հանրապետության նոր սահմանադրությունը

Ղրիմի Հանրապետությունը հաստատել է նոր սահմանադրությունը` տարածաշրջանի պետխորհրդի ատահերթ նիստի ժամանակ: Այս մասին հայտնում է itar-tass-ը:

Սույն որոշումն ընդունվել է բարձրաձայն ծափահարություններով: Սահմանադրության հաստատումից հետո հնչել է Ռուսաստանի Դաշնության և Ղրիմի օրհներգը: Որոշման ընդունման օգտին քվեարկել է 87 պատգամավոր:

Ղրիմի Սահմնադրությունը բաղկացած Է 10 գլխից և 95 հոդվածից, փաստաթղթի հիմնական դրույթները համապատասխան են ՌԴ-ի Սահմանադրության հոդվածներին: Փաստաթղթում նշված Է, որ Ղրիմի Հանրապետությունը ժողովրդավարական, իրավական պետություն Է Ռուսաստանի Դաշնության կազմում և ՌԴ-ի իրավահավասար սուբյեկտ Է: Սահմանադրությունը կանոնակարգում Է, որ երեք լեզուներ՝ ռուսերենը, ուկրաիներենը և ղրիմյան թաթարերենը Ղրիմում պետական են:

«Ղրիմի Հանրապետությունում ճանաչվում Է մշակույթների բազմազանության սկզբունքը, ապահովվում Է դրանց իրավահավասար զարգացումը եւ փոխհարստացումը»,- ասված Է նոր Սահմանադության տեքստում:

Հիշեցնենք, մարտի 16-ին Ղրիմում կայացած ինքնորոշման հարաքվեի արդյունքներով տարածաշրջանը կողմ էր արտահայտվել ՌԴ-ին միավորմանը: Համապատասխան համաձայնագիրը Մոսկվայում ստորագրվել էր մարտի 18-ին, որից հետո այն հավանության էր արժանացել ՌԴ Պետդումայում և Դաշնային խորհրդում: Ռուս օրենսդիրներն ընդունել էին նաև դաշնային սահմանադրական օրենք ՌԴ երկու նոր սուբյեկտների՝ Ղրիմի Հանրապետության և դաշնային նշանակության Սևաստոպոլ քաղաքի կազմավորման վերաբերյալ: Համապատասխան համաձայնագրերն ստորագրվել են ՌԴ նախագահ Վլադիմիր Պուտինի կողմից: