Օրական 5 հազար ուկրաինացի է դիմում Ռուսաստանի Համերկրային միգրացիոն ծառայությանը

Ամեն օր Ուկրաինայի ավելի քան 5 հազար քաղաքացի է դիմում Ռուսաստանի Համերկրային միգրացին ծառայության ստորաբաժանումներին ժամանակավոր ապաստանի տրամադրման, աշխատանքի թույլտվության, կեցության վկայագրի և քաղաքացիություն ստանալու խնդրանքով, հաղորդել է Ծառայության Քաղաքացիության հարցերի վարչության պետ Վալենտինա Կազակովան:

«Փետրվարից սկսած՝ Ուկրաինայից Ռուսաստան քաղաքացիների հոսքը կտրուկ մեծացել է: Հոսքն առավել ուժեղ է սահմանամերձ տարածքներում, ինչպես նաև Մոսկվայում և Սանկտ Պետերբորգում: Ամեն օր Համերկրային միգրացիոն ծառայություն է դիմում շուրջ 5 հազար մարդ»,- ապրիլի 11-ին լրագրողներին հայտարարել է Կազակովան:

Անցյալ տարվա համեմատությամբ դիմումների քանակն ավելացել է 15 անգամ: Այս տարի ՀՄԾ է դիմել Ուկրաինայի 70 հազար քաղաքացի, մինչդեռ անցյալ տարի՝ 4 հազար»,- ասել է Կազակովան:

Ուկրաինայի այն քաղաքացիները, որոնք դիմում են Համերկրային միգրացիոն ծառայություն, հայտարարում են, որ երկյուղ են կրում հայրենիքում շիկացող իրադրությունից, համաձայն չեն նոր իշխանությունների հայացքներին, չեն ցանկանում մասնակցել զորակոչին, ինչպես նաև մտահոգություններ ունեն, որ երեխաները չեն կարողանա սովորել ուկրաինական դպրոցներում, քանի որ լեզուն չգիտեն, հաղորդել է «Ինտերֆաքս»-ը: