Ուկրաինան պետք է ընդունի Ուկրաինայում տեղական հանրաքվեների մասին օրենքը. Յացենյուկ

Ուկրաինայի Գերագույն ռադայի կողմից նշանակված վարչապետ Արսենի Յացենյուկը կարծում է, որ խորհրդարանը պետք է տեղական հանրաքվեներ անցկացնելու մասին օրենք ընդունի: Այդ մասին հայտնում է gazeta.ru-ն՝ վկայակոչելով «Остров»-ը:

Յացենյուկը նման հայտարարությամբ է հանդես եկել Դոնեցկում՝ Հարավ-արևելյան Ուկրաինայի ղեկավարության ներկայացուցիչների հետ հանդիպման ժամանակ:

«Խորհրդարանը պետք է ընդունի տեղական հանրաքվեի մասին օրենքը»,-հայտարարել է Յացենյուկը:

Դոնբասի ներկայացուցիչների կարծիքով, որոնք մասնակցել են Յացենյուկի հետ հանդիպմանը, դա տարածաշրջանի բնակիչներին հնարավորություն կտա օրինական հիմունքներով որոշումներ ընդունել իրենց համար «կենսականորեն կարևոր» հարցերում:

Յացենյուկը նաև հայտարարել Է, թե կենտրոնական իշխանությունը պատրաստ է ոչ միայն երկխոսություն սկսել տարածաշրջանների հետ, այլև կատարել Ուկրաինայի յուրաքանչյուր քաղաքացու օրինական պահանջները: