Ռուսաստանն սկսել է Ուկրաինային հանձել նրա ռազմածովային ուժերի մարտանավերը
Աշխարհ
Ինչպես հայտնում է itar-tass-ը, Ռուսաստանն սկսել է Ուկրաինային հանձնել նրա ռազմածովային ուժերի մարտանավերը: Ներկայումս ընթանում է Սևաստոպոլի Կարանտիննայա ծովախորշից «Պրիլուկի» հրթիռակիր կատերի քարշակումը չեզոք ջրեր՝ հետագայում այն ուկրաինական կողմին հանձնելու համար: Այդ մասին հայտնել են Սևծովյան նավատորմի շտաբում:
«Սևծովյան նավատորմի քարշիչները կատերը տեղափոխում են չեզոք ջրերում նախատեսված հանդիպման վայր, քանի որ նավի տեխնիկական վիճակը դրան թույլ չի տալիս շարժվել իր ընթացքով: Այնուհետև ուկրաինական քարշիչները նավը կտանեն Օդեսայի կողմը»,- պարզաբանել է նավատորմի ներկայացուցիչը:
Ավելի վաղ Ստրելեցկայա ծովախորշից համանման եղանակով դուրս է բերվել և Ուկրաինային հանձնվել «Ֆաստով» լցանավը, հավելել է ներկայացուցիչը:
«Ռուսական նավատորմը նպատակահարմար չի համարում Ղրիմում մնացած Ուկրաինայի ռազմածովային ուժերի նավերի մեծ մասի հետագա շահագործումը դրանց ֆիզիկական մաշվածության և կառուցվածքային հնացածության պատճառով»,- նշել է գործակալության զրուցակիցը:
Խոսքը վերաբերում է Ուկրաինայի ռազմածովային ուժերի շուրջ 70 մարտանավի:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
