Դաշնության խորհուրդը հավանություն է տվել օրենքին, որը միգրանտներին պարտավորեցնում է ռուսաց լեզվի քննություն հանձնել
Աշխարհ
Ռուսաստանի Դաշնության խորհուրդն ապրիլի 16-ի նիստում հավանություն է տվել այն օրենքին, որն աշխատանքային միգրանտներին, բացառությամբ բարձր որակավորում ունեցող մասնագետների, պարտավորեցնում է ռուսաց լեզվի իմացության քննություններ հանձնել:
Օրենքը նախատեսում է, որ ժամանակավոր բնակության, աշխատանքի կամ արտոնագրի թույլտվություն ստանալու համար դիմելիս օտարերկրյա քաղաքացին պետք է հաստատի ռուսաց լեզվին տիրապետելը, Ռուսաստանի պատմության և ՌԴ-ի օրենսդրության հիմունքների իմացությունը՝ ներկայացնելով համապատասխան փաստաթղթեր:
Եթե նա չունի կրթության մասին փաստաթուղթ, որը ԽՍՀՄ պետության կողմից տրվել է մինչև 1991 թվականի սեպտեմբերի 1-ը, նրան հարկ կլինի ռուսաց լեզվից քննություն հանձնել և ստանալ համապատասխան հավաստագիր:
Նախագահի կողմից ստորագրվելու դեպքում օրենքն ուժի մեջ կմտնի 2015 թվականի հունվարի 1-ից: «Օրենքի ընդունումը թույլ կտա դյուրացնել օտարերկրյա քաղաքացիների մշակութային և լեզվական ադապտացիան ՌԴ-ում»,-նիստում նշել է Սահմանադրական օրենսդրության պալատի կոմիտեի փոխնախագահ Լյուդմիլա Բոկովան, հաղորդել է ՌԻԱ Նովոստի գործակալությունը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
