Մերձդնեստրի իշխանությունները Պուտինին խնդրում են նախաձեռնել հանրապետության անկախության ճանաչումը
Աշխարհ
Մերձդնեստրի իշխանությունները խնդրում են Ռուսաստանին՝ չճանաչված հանրապետությունը ճանաչել որպես ինքնիշխան անկախ պետություն:
Ռուսաստանի Պետդումային, Դաշնության խորհրդին և ՌԴ նախագահին հասցեագրված այս դիմումն ընդունել է Մերձդնեստրի Գերագույն խորհուրդը, ԻՏԱՌ-ՏԱՍՍ-ին հայտնել են օրենսդիր մարմնի մամուլի ծառայությունում:
Այնտեղ պարզաբանել են, որ այդ որոշումն ընդունվել է 2006 թվականին Մերձդնեստրում անցկացված հանրաքվեի արդյունքների հիման վրա, որի ընթացքում տարածաշրջանի բնակիչների 97 տոկոսն արտահայտվել է անկախության և հետագայում Ռուսաստանին միանալու օգտին: Սա Մերձդնեստրի ճանաչման խնդրանքով հանրապետության իշխանությունների և հասարակայնության առաջին դիմումը չէ Մոսկվային, սակայն այժմ այդ խնդրին վերադառնալու առիթ է դարձել Ռուսաստանի կազմ Ղրիմի մտնելը:
«Մերձդնեստրն իրավական առումով ոչնչով չի տարբերվում Ղրիմից, և Ռուսաստանի հետ վերամիավորվելու գործընթացը պետք է անցկացվի Ղրիմի սցենարով»,-լրագրողներին ասել է պատգամավոր Վյաչեսլավ Տոբուխը:
Ենթադրվում է, որ արդեն ապրիլի 17-ին պատգամավորների պատվիրակությունը՝ խոսնակ Միխայիլ Բուռլայի գլխավորությամբ, կուղևորվի Մոսկվա, որտեղ նրանք պլանավորում են հանդիպում ունենալ ՌԴ Պետդումայի խոսնակ Սերգեյ Նարիշկինի հետ. հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
