Բրազիլիայի իշխանությունները զորք են ուղարկել Բաիայի նահանգ, որտեղ գործադուլ են անում ոստիկանները

Բրազիլիայի համերկրային իշխանությունները հինգ հազարից ավելի ընդհանուր թվաքանակով զորային ստորաբաժանումներ են ուղարկել Սալվադոր քաղաք՝ Բաիա հյուսիսարևելյան նահանգի մայրաքաղաք: Այնտեղ կտրուկ սրվել է քրեածին իրադրությունը՝ ոստիկանության սկսված գործադուլի պատճառով, որը պաշտպանել է տեղի իրավապահների շուրջ 70 տոկոսը: Նրանք պահանջում են բարձրացնել աշխատավարձը և բարելավել ծառայության պայմանները:

Ավելի քան երեք միլիոն բնակչություն ունեցող քաղաքի փողոցներում ոստիկանների բացակայությունը հանգեցրել է քրեական հանցագործությունների աճի, խանութների կողոպուտի, բանկային գրասենյակների վրա հարձակումների: Ապրիլի 16-ին Սալվադորում չեն աշխատել դպրոցները, գծեր դուրս չեն եկել մեծ թվով ավտոբուսներ: Բաիայի նահանգի Գերագույն դատարանը ոստիկանների գործադուլը հայտարարել է անօրինական:

Սալվադորը Բրազիլիայի այն 12 քաղաքներից մեկն է, որտեղ հունիսի 12-ից մինչեւ հուլիսի 13-ն ընկած ժամանակահատվածում պետք է կայանան ֆուտբոլի աշխարհի առաջնության խաղերը, հաղորդել է ԻՏԱՌ-ՏԱՍՍ-ը: