Յանուկովիչի փոխարեն... փոքրուց իմ մեջ սերմանվել է պետության նկատմամբ մեծ հավատարմություն. Պուտին

ՌԴ նախագահ Վլադիմիր Պուտինն այսօր ընթացող մամուլի ասուլիսի ընթացքում այն հարցին, թե ինչ կաներ ինքը, եթե լիներ Յունոկիվիչի փոխարեն, նշել է, որ փոքրուց սերմանվել է իր մեջ ժողովրդի և պետության նկատմամբ մեծ հավատարմություն:

«Դուք գիտեք, որ իմ առաջին աշխատանքը եղել է ԽՍՀՄ-ի ԱԱԾ-ում, մեզ այնտեղ դաստիարակում էին որոշակի ձևաչափով: Այս դաստիարակությունը հիմնված էր ժողովրդի նմատմամբ ունեցած մեծ և խիստ նվիրվածության վրա»,-ասել է նախագահը:

Իսկ այն հարցին, թե ինչ պետք է անի Ուկրաինան ճգնաժամից դուրս գալու համար, Պուտինը պատասխանել է.

«Ուկրաինայի` ճգնաժամից դուրս գալու միակ ուղին երկխոսությունն է, բնականաբար, առանց ուժի կիրառման: Արևելքում խոսում են դաշնայնացման մասին, իսկ Կիևում՝ ապակենտրոնացման։ Պետք է նստել բանակցությունների սեղանի շուրջ և հասկանալ, թե ինչի մասին է խոսքը և ով ինչ է ուզում»,- հայտնել է Պուտինը։