Յացենյուկն ու Տուրչինովը հանդես կգան Ուկրաինայի իրավիճակի մասին հայտարարությամբ

Գերագույն Ռադայի ընդհանուր հայտարարությունն Ուկրաինայի իրավիճակի կարգավորման մասին կհայտարարվի Ուկրաինայի գործող նախագահ Ալեքսանդր Տուրչինովի և Ուկրաինայի վարչապետ Արսենի Յացենյուկի կողմից: Այս մասին հայտնում է ria.ru-ն:

Խորհրդարանը մշակում է ընդհանուր հայտարարություն՝ երկրի արևելյան շրջաններում իրավիճակը լուծելու համար: Դրանում, մասնավորապես, ցանկանում են ամրագրել տարածաշրջաններին ավելի մեծ լիազորություններով օժտելու, հանրահավաքների մասնակիցներին ներում շնորհելու իշխանության պատրաստակամությունը, ինչպես նաև լուծել ռուսաց լեզվին պետական կարգավիճակ տալու հարցը:

Տուրչինովն ապրիլի 18-ին հայտնել Է, որ ընդհանուր հայտարարությունը համաձայնեցնելու շուրջ քննարկումները պատգամավորական խմբակցությունների ղեկավարները վարում են ժամը 9:00-ից: Նրա խոսքով՝ կոալիցիան առաջարկել Է այդ հայտարարությանը հավանություն տալ մինչև ապրիլի 20-ը:

«Մենք առաջարկություններ ենք ներկայացրել ընդդիմությունից մեր գործընկերների քննարկմանը. նրանք առայժմ չեն պաշտպանել այդ առաջարկությունները»,- հայտարարել Է Տուրչինովը խորհրդարանի նիստում

Հիշեցնենք, որ ավելի վաղ հայտնել էր, որ Ուկրաինան միջազգային հանրության հետ կշարունակի քայլ առ քայլ Ղրիմը հետ վերցնել քաղաքական և դիվանագիտական առումով, ինչպես դա արվել է ՄԱԿ-ի Գլխավոր ասամբլեայում քվեարկության ժամանակ: