«Գազպրոմը» մտադիր չէ իջեցնել Թուրքիային վաճառվող գազի գինը
Աշխարհ
«Գազպրոմ» ընկերության վարչության փոխնախագահ Ալեքսանդր Մեդվեդևի գլխավորած պատվիրակությունը մտադիր չէ Թուրքիայի ներկայացուցիչների հետ բանակցությունների ժամանակ քննարկել թուրքական կողմին վաճառվող գազի գինն իջեցնելու հարց: Բանակցությունների թեման լինելու են Ռուսաստանի և Թուրքիայի միջև գազային ոլորտում համագործակցության գլոբալ հարցերը: Միևնույն ժամանակ, չի բացառվում, որ կողմերը կքննարկեն Թուրքիայում «Հարավային հոսք» նախագծի իրագործման հեռանկարները: Այս մասին հայտնում է ԻՏԱՌ-ՏԱՍՍ լրատվական գործակալությունը:
Թուրքիայի էկոնոմիկայի և բնական պաշարների նախարար Թաներ Յըլդըզն ապրիլի 18-ին լրագրողներին հայտարարել էր, որ մտադիր է «Գազպրոմի» ներկայացուցիչների հետ Անկարայում երկուշաբթի անցկացվելիք բանակցություններում քննարկել Թուրքիային վաճառվող ռուսաստանյան գազի գինն իջեցնելու մասին հարցեր: Թուրք նախարարի խոսքով' «Գազպրոմի» հետ ստորագրված համաձայնագիրը «կապույտ վառելիքի» գինը վերանայելու հարցման իրավունք է վերապահում:
Ռուսաստանը Թուրքիա գազի խոշորագույն մատակարարն է: Բացի այդ, Թուրքիանն Գերմանիայի Դաշնային Հանրապետությունից հետո զբաղեցնում է երկրորդ տեղը' «Գազպրոմից» վառելիքի գնման ծավալներով:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
