Թուրքիայում ահաբեկչական գործունեության կասկածանքով ձերբակալությունների ալիք է սկսվել

Ստամբուլի իրավապահ մարինները երեկ գիշեր ձերբակալել են «Հեղափոխական ժողովրդա-ազատագրական կուսակցություն-ճակատ (DHKP-C) անջատողական խմբավորման և Քրդստանի աշխատավորական կուսակցության (PKK) հետ կապեր ունեցող Հայրենասիրական հեղափոխական երիտասարդական շարժման 35 անդամների, ովքեր կասկածվում են ահաբեկչական գործունեության մեջ: Այս մասին, ինչպես հաղորդում է «Արմենպրես»-ը, հայտնում է թուրքական «Հուրիեթ» թերթը:

Իրավապահները ձերբակալվածներից առգրավվել է մեծ քանակությամբ զենք և փաստաթղթեր:

Ոստիկանության գործողությունները լարվածաություն են առաջացրել Ստամբուլում, և իրավապահների ու բողոքավորների միջև բախումներ են սկսվել: Ոստիկանները ստիպված են եղել արցունքաբեր գազ և ջրաշիթեր կիրառել:

DHKP-C խմբավորումը ստեղծվել է 1978 թվականին և նպատակադրվել է զավթել իշխանությունը Թուրքիայում, ստեղծել մարքս-լենինյան գաղափարախոսությամբ ռեժիմ: Այն իրեն ընդդիմադիր է համարում ԱՄՆ-ին և ՆԱՏՕ-ին: DHKP-C-ն պատասխանատվություն է ստանձնել թուրքական պաշտոնական անձանց, ԱՄՆ-ի զինծառայողների և այլ արտասահմանցիների վրա մի շարք հարձակումների համար: Խմբավորումը ԱՄՆ-ում և Եվրամիությունում մտցված է ահաբեկչական կազմակերպությունների ցուցակ:

PKK-ն արդեն մի քանի տասնամյակ պայքարում է Թուրքիայի, Իրաքի, Իրանի և Սիրիայի սահմանակից շրջաններում անկախ քրդական պետություն ստեղծելու համար: