«168 Ժամ». Այսօր Երվանդ Զախարյանն այցելելու է «Նաիրիտ» գործարան

«168 Ժամ» թերթի տեղեկություններով` այսօր ՀՀ էներգետիկայի և բնական պաշարների նախարար Երվանդ Զախարյանն այցելելու է «Նաիրիտ» գործարան: Հավանաբար, նախարարը շատ ասելիք ունի նաիրիտցիներին, որ անձամբ գնում է գործարան, օրինակ՝ «Նաիրիտի» վերագործարկման առաջարկությունների փաթեթի մասին, որ ամիսներ շարունակ այդպես էլ չներկայացվեց, աշխատավարձերի պարտքը մարելու մասին, որ «էսօր-էգուց» տարբերակով առավելագույնս հետաձգվում է մինչև աշխատողների հերթական ընդվզումը…

Հավանաբար, նախարարն ուզում է անձամբ իր հոգածությունը հայտնել նաիրիտցիներին՝ վստահեցնելով, որ նրանց խնդիրը կառավարության ուշադրության կենտրոնում է: Գուցե նաև դառն իրականության հետ հաշտվող հայացքներ տեսնելով՝ նախարարը փորձի պատճառներ բերել ու խոստացված հերթական 1 ամսվա աշխատավարձի վճարման համար մի քիչ էլ ժամանակ շահել: Չէ՞ որ առջևում դեկտեմբերն է, Նոր տարի, իսկ տոներից առաջ ֆինանսավորման խնդիրը հաստատ նորից կծագի: Հոգ չէ, որ թե´ նախարարն ինքը, թե´ գործարանի ղեկավար Ռուբեն Սաղաթելյանը խոստացել են մինչև տարեվերջ նաիրիտցիների արդեն 2 տարվա կուտակված ամբողջ պարտքը միանգամից փակել:

Շարունակությունը՝ թերթի այսօրվա համարում: