ԱՄՆ-ն և Ռուսաստանը պետք է պահպանեն համագործակցության հնարավորությունը. Քիսինջեր
Աշխարհ
ԱՄՆ-ն և Ռուսաստանը պետք է Ուկրաինայի շուրջ հակամարտությունից այնպես դուրս գան, որ պահպանեն առավել կարևոր միջազգային հարցերի շուրջ համագործակցության հնարավորությունը: Այս մասին հայտնել է ՏԱՍՍ-ը՝ վկայակոչելով նախկին պետքարտուղար Հենրի Քիսինջերին:
«Ամերիկյան և ռուսական շահերը պետք է համընկնեն շատ խնդիրներում, մասնավորապես, իսլամական ծայրահեղականության հարցում: Ուկրաինայի շուրջ իրավիճակն անհրաժեշտ է կարգավորել «այնպես, որ Ռուսաստանը երկարաժամկետ հեռանկարում մնա միջազգային հարաբերությունների մասնակից, որտեղ նա պետք է էական դեր խաղա»,- ասել է նա ԱՄՆ Կոնգրեսի սենատի զինված ուժերի հարցերով կոմիտեի լսումների ժամանակ:
Մոսկվայի ներկայիս գործողություններն 91-ամյա քաղաքական գործիչը որակում է որպես «մարտահրավեր նետելու փորձ այն պետությունների ռազմավարական կողմնորոշմանը, որոնք երբևէ եղել են իր ուղեծրում»:
Բացի այդ, նա պնդում է, որ արևմտյան երկրները պետք է Ուկրաինային օգնեն ապահովելու իր ինքնիշխանությունը և տարածքային ամբողջականությունը:
«Ուկրաինան պետք է լինի անկախ և ազատ պետություն, որն ինքնուրույն կորոշի՝ ինչպիսի հարաբերություններ ունենալ այլ երկրների հետ ՆԱՏՕ-ի անդամակցության հարցին հատուկ մոտեցման դեպքում»,- ասել է Քիսինջերը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
