Բաքվում դպրոցական է կախվել

Բաքվի Շաբունչիի շրջանում ինքնասպանության դեպք է տեղի ունեցել:

Ինչպես հաղորդում է «Արմենպրես»-ը' վկայակոչելով ադրբեջանական teleqraf.com լրատվական կայքը, շրջանի ոստիկանությունը հայտնել է, որ Քյուրդախանի ավանում 15-ամյա Ալի Մամեդովը կախվել է իրենց տան բակի կիսակառույցում: Նա միջնակարգ դպրոցի 11-րդ դասարանի աշակերտ էր:

Անչափահասի ինքնասպանության դիմելու պատճառը հայտնի չէ: Կատարվում է հետաքննություն:

Այս տարի Ադրբեջանում սա անչափահասի կողմից ինքնասպանության առաջին դեպքն է:

2014 թվականին Ադրբեջանում ինքնասպանությամբ կյանքին վերջ դրած 240 անձանց մեջ 16-ն անչափահասներ են եղել: 17 ինքնասպանության դեպք գրանցվել է ադրբեջանական բանակում:

Ադրբեջանական ԶԼՄ-ների հաղորդումների համաձայն' 2015 թվականի առաջին ամսում Ադրբեջանում արդեն 15 մարդ ինքնասպանություն է գործել: