«Ժողովուրդ». ՀՀԿ-ն գործի է դրել իր «ծանր հրետանուն». Ծառուկյանի ելույթն ու ՀՀԿ արձագանքը

ՀՀԿ վերնախավը, արձագանքելով ԲՀԿ առաջնորդ Գագիկ Ծառուկյանի հրավիրած խորհրդաժողովին, կարծես թե հակադարձելու այլ բան չի գտել և որոշել է կառչել ԲՀԿ առաջնորդի ելույթից: Գրում է «Ժողովուրդ»-ը:

Այդ գործի համար ՀՀԿ-ն անգամ որոշել է գործի դնել իր «ծանր հրետանուն»` Աժ նախագահ Գալուստ Սահակյանին, որն էլ շտապել է Ծառուկյանի ելույթը գնահատել որպես «շատ բառե «Ժողովուրդ». ՀՀԿ-ն գործի է դրել իր «ծանր հրետանուն». Ծառուկյանի ելույթն ու ՀՀԿ արձագանքը րով բեռնած, դժվար ընթեռնելի մի նյութ, որի տրամաբանական կառուցվածքը կաղում էր, իսկ ներքին հակասություններն աղաղակող էին»: «Նման խայտառակ հակասությունները զվարճալի կլինեին, եթե այսքան անտրամաբանական չլինեին»,- եզրափակել է Գրիգորիչը:

Անկեղծ ասած` Գ. Ծառուկյանի ելույթն, իրոք, առանձնապես նոր ասելիք չէր պարունակում, սակայն դրա' «ավելորդ բառակույտով» հագեցած լինելու շուրջ քննադատությունը Գ. Սահակյանի կողմից ոչ թե զվարճալի է, այլ շատ, անչափ զվարճալի է: Մի մարդ, որի արտաբերած յուրաքանչյուր նախադասություն անիմաստ բառակույտերի շարան է, որի բանավոր խոսքն ուղղակի անհնար է վերծանել, և որի գրեթե յուրաքանչյուր հարցազրույցի ամեն երրորդ պարբերությունը հակասում է առաջինին, որոշել է իր «հեղինակավոր» գնահատականը հնչեցնել Ծառուկյանի ելույթի մասին:

Իսկ եթե ավելի լուրջ խոսենք, ապա ՀՀԿ-ականների այս դրսևորումը հերթական անգամ ցույց տվեց, թե որքան սնապարծ են նրանք և իրականությունից որքան կտրված' սեփական հնարավորությունները գնահատելիս: Հակառակ դեպքում' Ծառուկյանի գրավոր խոսքը քննադատելու «առաքելությունը» չէին վստահի մեկին, ում մամուլի խոսնակը հորդորել է այլևս հանդես գալ բացառապես գրավոր խոսքով' անընդհատ խայտառակ չլինելու համար:

Շարունակությունը՝ թերթի այսօրվա համարում: