Սա արդեն պատերազմ է՝ հայտարարված ժողովրդի դեմ. Վարդան Օսկանյան (տեսանյութ)
Հասարակություն
Այս պահին Հանրապետության հրապարակում և կառավարության շենքի առջև հազարավոր քաղաքացիներ են հավաքվել՝ պահանջելով ներկայացնել ԲՀԿ քաղխորհրդի անդամ, «Կասեցում» հասարակական շարժման ակտիվիստ Արտակ Խաչատրյանին ծեծի ենթարկելու դեպքի մանրամասները:
Բողոքի ակցիային, որի կարգախոսն է «Մենք բոլորս Արտակ Խաչատրյան ենք», միացել են «Ժառանգություն» խմբակցության պատգամավոր Ռուբեն Հակոբյանը, ՀԱԿ պատգամավոր Լյուդմիլա Սարգսյանը, Արամ Մանուկյանը, «Ժառանգության» փոխնախագահ Արմեն Մարտիրոսյանը, ԲՀԿ-ական պատգամավորներ Վահե Էնֆիաջյանը, Վահան Բաբայանը, Միքայել Մելքումյանը, Վարդան Օսկանյանը:
Լրագրողների հետ զրույցում Վարդան Օսկանյանը նշեց, որ պետք է դատապարտել այս երևույթը, մինչև վերջ պահանջել բացահայտել. «Սա արդեն դարձել է աշխատելաոճ, միջոց՝ մարդկանց լռեցնելու, այնպես որ, դրա դեմ պետք է ազգովի ընդվզել և պահանջել հնարավորինս շուտ բացահայտել»:
Վարդան Օսկանյանը հորդորեց մի կողմ թողնել կուսակցական խնդիրները. «Սա արդեն պատերազմ է՝ հայտարարված ժողովրդի դեմ»,- նշեց պատգամավորը:
Ի պատասխան Լուրեր.com-ի թղթակցի այն հարցին, թե այսօր ԲՀԿ առաջնորդ Գագիկ Ծառուկյանը կմասնակցի՞ բողոքի ակցիային, Օսկանյանը նշեց, որ ինքն այդ մասին տեղեկություն չունի:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
