Նախկին պատգամավորին անհանգստացնում է բռնությունների աճը
Հայաստան
Ազգային ժողովի նախկին պատգամավոր Վարդան Խաչատրյանը դատապարտում է Հայաստանում վերջին շրջանում բռնությունների քանակի աճը:
Փետրվարի 9-ին լրագրողների հետ հանդիպմանը Վարդան Խաչատրյանը, անդրադառնալով ԲՀԿ-ական ակտիվիստ Արտակ Խաչատրյանի առևանգմանը և ծեծին, ընդգծեց, որ մինչև հանցագործության մեղավորները հայտնաբերված չեն, չի կարելի որևէ մեկի հասցեին մեղադրանքներ հնչեցնել: «Ինձ ավելի շատ այս պահին անհանգստացնում է երկրում բռնությունների քանակի աճը: Դատապարտում եմ նման երևույթները և գտնում, որ պետք է ամեն ինչ արվի՝ նման դեպքերը հետագայում բացառելու համար»,- «Արմենպրես»-ի հաղորդմամբ՝ նշեց բանախոսը:
Նա ընդգծեց, թե ինքը հասկանում է, որ երկրում լարված իրավիճակ է, սակայն բոլորին կոչ արեց ընդունել, որ ցանկացած կայծից կարող է հրդեհ բռնկվել: «Ի վերջո, մեր երկրում բռնությունների աճը հենց այն է, ինչն այս պահին ամենից շատ ուզում է մեր հակառակորդը: Մենք պետք է լինենք չափազանց զգույշ և զգոն՝ տհաճ և մեզ համար անցանկալի իրավիճակներից խուսափելու համար»,- ասաց Խաչատրյանը՝ կոչ անելով լինել սթափ և զգոն՝ հաշվի առնելով նաև արտաքին վտանգները և սպառնալիքները:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
