Էնրիկեն կրկին չի պատասխանել «Բարսելոնայում» իր ապագայի վերաբերյալ հարցին

Կատալոնյան «Բարսելոնայի» գլխավոր մարզիչ Լուիս Էնրիկեն կրկին միանշանակ պատասխան չի տվել կատալոնյան ակումբում իր ապագայի վերաբերյալ:

Անդրադառնալով Իսպանիայի գավաթի խաղարկության եզրափակչում Բիլբաոյի «Ատլետիկի» հետ կայանալիք հանդիպմանը՝ մարզիչը նշել է.

«Արդյո՞ք այս խաղում հաղթանակը հաջորդ մրցաշրջանում «Բարսելոնայում» մնալու ցանկություն կարթնացնի: Այս հաղթանակը մրցաշրջանում երեք տիտղոս նվաճելու մոտիվացիա կլինի: «Ատլետիկը» մի շարք արժանիքներ ունի, սակայն, առաջին հերթին, սա այն ակումբն է, որը պրեսինգի է դիմում և չի թուլանում: Կարծում եմ՝ սա շատ նման կլինի Իսպանիայի առաջնությունում «Ատլետիկոյի» հետ խաղին»,- Էնրիկեի խոսքը մեջբերում է Marca-ն:

Նշենք, որ «Բարսելոնայի» և «Ատլետիկի» միջև գավաթի եզրափակիչ հանդիպումը տեղի կունենա այսօր, մեկնարկը՝ Երևանի ժամանակով 23:30-ին: