Sotheby's-ն աճուրդից չի հանի Այվազովսկիի «Երեկոն Կահիրեում» ստեղծագործությունը

Sotheby's-ն աճուրդից չի հանի Այվազովսկու «Երեկոն Կահիրեում» կտավը, որովհետև այդ գործը վաճառքի հանելուց առաջ նա խորհրդակցել է Ռուսաստանի իշխանությունների հետ: Այդ մասին, ինչպես տեղեկացնում է «Արմենպրես»-ը, ՌԻԱ Նովոստիին հաղորդել է աճուրդային տան ներկայացուցիչը:

«Այվազովսկիի «Երեկոն Կահիերում» գործը 2015 թվականի հունիսի 2-ին վաճառվելու է Նոսենկոյի ընտանիքի, ինչպես նաև նրանց համաձայնությամբ, ովքեր այն վաճառքի են հանել»,- աճուրդների տան մեկնաբանության տեքստից մեջբերում է արել Reuters գործակալությունը:

Ավելի վաղ ՌԴ ՆԳ նախարարության ներկայացուցիչ Ելենա Ալեքսեևան հայտնել է, որ ռուսական Ինտերպոլը խնդրում է Մեծ Բրիտանիայի իրավապահ մարմիններին՝ աջակցել Հովհաննես Այվազովսկու հափշտակված նկարն աճուրդից հանելու գործում: Ալեքսեևայի խոսքով՝ «Երեկոն Կահիրեում» կտավը 1997 թվականին հափշտակվել է մասնավոր հավաքածուից:

«Երեկոն Կահիրեում» կտավը խոստանում է դառնալ աճուրդի ամենաթանկարժեք գործերից մեկը: Դրա նախնական արժեքը գնահատվում է 1,5-2 մլն ֆունտ ստեռլինգ: Այն չէր ցուցադրվում 1950 թվականից՝ այն ժամանակվանից, երբ ցուցադրվեց Տրետյակովյան պատկերասրահում:

1940-ական թվականներին այդ գործը, ըստ ԶԼՄ-ների տվյալների, պատկանել է Իվան Նոսենկոյի՝ ԽՍՀՄ-ի տրանսպորտային մեքենաշինության նախարարի, իսկ այնուհետև ԽՍՀՄ-ի նավաշինական արդյունաբերության ժողովրդական կոմիսարի ընտանիքին: