Ռոման Վայդենֆելերը հեռանում է «Բորուսիայից». թիմը փոխարինող է գտել

Դորտմունդի «Բորուսիայի» ղեկավարությունն արդեն փոխարինող է փնտրում դարպասապահ Ռոման Վայդենֆելերին, ով որոշել է հեռանալ թիմից. տեղեկացնում է Bild-ը:

Հավանական թեկնածուն «Ֆրայբուրգի» դարպասապահ Ռոման Բյուրկին է: Ֆուտբոլիստի տրանսֆերային գումարը կազմում է 6.5 մլն եվրո, իսկ պայմանագիրը «Ֆրայբուրգի» հետ ուժի մեջ է մինչև 2018 թվականը: Սակայն, քանի որ թիմը Բունդեսլիգայում տեղը չկարողացավ պահպանել, ֆուտբոլիստի հրաժարագինն այժմ կազմում է € 4,5 մլն:

«Տրանսֆերների հետ կապված մակերեսային տեղեկություններ չենք տալիս»,- ասել է դորտմունդյան թիմի մարզական տնօրեն Միխաել Ցորկը: