Հետազոտողները նշել են ցանցահենների կողմից սիրված ընկերությունները

Անցյալ տարի համակարգչային համակարգերի կոտրանքով զբաղվողներն առնվազն մեկ անգամ գրոհել են աշխարհի հանքարդյունահանող և նավթի-գազի ընկերությունների 43 տոկոսը: Այդ մասին, ինչպես տեղեկացնում Է «Արմենպրես»-ը, վկայում են Միացյալ Նահանգների Symantec Corp ընկերության հետազոտության արդյունքները:

Ըստ Trend Micro Inc-ի տվյալների՝ Էներգետիկական ընկերությունների 47 տոկոսը հայտարարել Է կիբեռհարձակումների դեպքերի մասին, ինչն առավելագույն մակարդակն Է բոլոր կորպորատիվ ճյուղերի թվում: Ավելի բարձր ցուցանիշ գրանցվել Է սոսկ պետական հատվածում, նշել Է Bloomberg գործակալությունը:

«Մեր օրերում համակարգիչները տարածված են ամենուրեք: Կարելի Է անջատել Էլեկտրականությունը կամ ստեղծել նավթի արատահոս, և դրանից կտուժեն բազմաթիվ մարդիկ»,- հայտարարել Է Տեխասի համալսարանի համակարգչային գիտությունների պրոֆեսոր Ալվարո Կարդենասը:

Կիբեռհանցագործությունները, որոնք հանգեցնում են բիզնեսի կորուստների և վնաս են հասցնում սարքավորումներին, Էներգաընկերությունների վրա միջին հաշվով տարեկան 13,2 միլիոն դոլար են նստում: Դա ավելի շատ Է, քան համանման ծախսերը մյուս ճյուղերում, վկայում են 257 ձեռնարկիչների հարցման արդյունքները, որը Hewlett-Packard-ի համար կատարել Է Poneman Institute-ը:

ABI Research-ի կանխատեսմամբ՝ 2018 թվականին նավթի-գազի ենթակառուցվածքի կիբեռանվտանգության ապահովման համաշխարհային ծախսերը կհասնեն 1,9 միլիարդ դոլարի, հաղորդել Է «Ինտերֆաքս»-ը: