Նյու Յորքի իրավապահ մարմինները կհամալրվեն 1300 ոստիկաններով

Նյու Յորքի իշխանությունները մտադիր են ծառայության ընդունել կարգի 1297 նոր պահապանների: Այդ մասին, ինչպես տեղեկացնում Է «Արմենպրես»-ը, հաղորդել Է Associated Press գործակալությունը:

ԱՄՆ-ի խոշորագույն մեգապոլիսի վարչակազմում գործակալության աղբյուրի տեղեկությունների համաձայն, այս միջոցառումը նախատեսվում Է քաղաքի տարեկան բյուջեով: Մոտավորապես 300 նոր ոստիկանների կհանձնարարվի կատարել ահաբեկչության դեմ պայքարի ոլորտի խնդիրները: Ինչպես սպասվում Է, Նյու Յորքի քաղաքապետ Բիլ դե Բլազիոն այդ որոշման մասին պաշտոնապես կհայտարարի առաջիկա ժամերին:

Ներկայում մեգապոլիսում հաշվում Է շուրջ 35 հազար ոստիկան: Ինչպես նշում Է AP-ն, ի լրումն 1,3 հազար կարգի պահապանների, քաղաքի իշխանությունները նաեւ մտադիր են վարձել 400 մարդ, որոնք իրավապահ մարմինների աշխատակիցներին կօգնեն լուծելու վարչական հարցեր, ինչպես նաեւ կատարել փաստաթղթերի կազմման հետ կապված աշխատանքներ: Ենթադրվում Է, որ դա թույլ կտա ավելի շատ ոստիկանների օգտագործել փողոցներում անմիջական անվտանգությունն ապահովելու համար:

Ավելի վաղ դե Բլազիոն քանիցս հանդես Է եկել քաղաքում ոստիկանների թվաքանակն ընդլայնելու դեմ: Այսպես, անցյալ տարի նա մերժել Էր լրացուցիչ կարգիհազար պահապանների ծառայության ընդունելու առաջարկությունը: Քաղաքապետը, մասնավորապես, վկայակոչել Է քաղաքում հանցավորության ընդհանուր մակարդակի նվազումը: Վերջին տարվա ընթացքում այդ ցուցանիշը կրճատվել Է մոտավորապես 6,7 տոկոսով: Դրա հետ մեկտեղ, նշված ժամանակահատվածում մոտավորապես 11 տոկոսով ավելացել Է սպանությունների թիվը, հաղորդել Է ՏԱՍՍ-ը: