«Ժողովուրդ». Գյումրիում Ավետիսյանների տունը տուն-թարգարանի՞ կվերածվի. քաղաքապետի հարցազրույցը

Գյումրիում բնակվող Ավետիսյանների 7 անձից բաղկացած ընտանիքի դաժան սպանդից անցել է արդեն հինգ ամիս: «Ժողովուրդ»-ին հայտնի դարձավ, որ այս ընթացքում Ավետիսյանների ընտանիքի հարազատները մտադրություն ունեն այն տունը, որտեղ տեղի է ունեցել ընտանիքի սպանդը, վերածել տուն-թանգարանի: Եվ այս առաջարկով նրանք դիմել են Շիրակի մարզպետ Ֆելիքս Ցոլակյանին: Այս հարցերի շուրջ «Ժողովուրդը» զրուցել է Գյումրիի քաղաքապետ Սամվել Բալասանյանի հետ:

- Պարո՛ն Բալասանյան, Գյումրիում խոսակցություններ են պտտվում այն մասին, որ առաջիկայում Ավետիսյանների տունը կվերածվի տուն-թանգարանի: Տեղեկությունը համապատասխանո՞ւմ է իրականությանը:

- Ճիշտն ասած՝ նման առաջարկություններով Ավետիսյանների ընտանիքի հարազատները դիմել են մարզպետ Ֆելիքս Ցոլակյանին, բայց կոնկրետ ինձ հետ այդ մասին չեն խոսել: Ամեն դեպքում, իրենք ինչ պահանջներ ունեն, մենք անմիջապես դրանք կատարում ենք: Այդպիսի խոսակցություններ կան, Ավետիսյանների ընտանիքի հարազատներն ինձ մոտ հաճախակի գնում-գալիս են:

- Կոնկրետ ի՞նչ պահանջներով են Ձեզ դիմում:

- Պահանջեցին իրենց տան պատուհաններին ճաղավանդակներ դնել, դրեցինք: Հիմա այդտեղ ճանապարհի հետ կապված խնդիր կա. հարևանը պահանջում է, որպեսզի պարիսպ քաշվի այդտեղ: Իրենց հորեղբոր աղջիկ Կարինեն, որ նույն բակում է ապրում, պահանջում է իր տան պատը մի փոքր բարձրացնել, որ հորեղբոր տունը չտեսնի, վատ զգա: Հիմա այս հարցի լուծման ուղղությամբ ենք աշխատում»:

Մանրամասները՝ թերթի այսօրվա համարում