Հովիկ Աբրահամյանը՝ Արա Աբրահամյանի՝ քաղաքականություն մտնելու և իր հնարավոր հրաժարականի մասին (տեսանյութ)

Եթե ժողովուրդը կորոշի, որ Արա Աբարհամյանը պետք է լինի խորհրդարանում, թող լինի: Այս մասին այսօր լրագրողների հետ զրույցում նշեց վարչապետ Հովիկ Աբրահամյանը՝ հավելելով, որ ինքը որևէ քաղաքական գործչի հետ խնդիրներ չունի:

Պատասխանելով այն հարցին՝ եթե, այնուամենայնիվ, որոշվի, որ ինքը նշանակվելու է Սահմանադրական փոփոխությունների «այո»-ի շտաբի պետ, վարչապետի պաշտոնի հետ դա համատեղելի՞ է, օրենքը թո՞ւյլ է տալիս դա, Աբրահամյանը նշեց.

«Օրենքի մեջ որևէ հակասություն չկա, այդ հարցը մանրակրկիտ կքննարկվի, սակայն այդ աշխատանքները չպետք է խանգարեն կառավարության աշխատանքներին:

Դիտարկմանն էլ, թե գուցե ժամանակավոր հրաժարականի հարց լինի՞, Աբրահամյանը պատասխանեց. «Ինչի՞ եք ուզում, որ ես հրաժարական տամ, չեմ տալու»:

Մանրամասն՝ 1in.am-ի տեսանյութում