ԱՄՆ-ում տղամարդը կրակել է իրեն համբուրած գողին

ԱՄՆ-ի Օրեգոն նահանգում գող է ձերբակալվել, որն իրեն շատ տարօրինակ է պահել, հաղորդում է Associated Press-ը:

Դեպքը տեղի է ունեցել Փորթլենդում հինգշաբթի օրը՝ հոկտեմբերի 22-ին: Հանցագործը ներխուժել է մասնավոր տուն և սկսել է հավաքել թանկարժեք իրերը: Հետո նա հանվել է, մտել անկողին, որտեղ քնած են եղել կինն ու տղամարդը, և համբուրել տղամարդուն:

Տղամարդն արթնացել է նրանից, որ ձեռքում դանակ պահած գողը բարձրացել է իր վրա: Տղամարդը կարողացել է հետ հրել հանցագործին, վերցրել է ատրճանակը և երեք անգամ կրակել գողի վրա, սակայն նա հասցրել է փախչել:

Սպա Փիթ Սիմփսոնը նշել է, որ մինչ ոստիկանությունը կարողացել է հանցագործին ձերբակալել մոտակայքում գտնվող դատարկ տանը, նա հասցրել է հագնել տաբատը:

Կասկածյալ 32-ամյա Ռիչարդ Դեֆեուդիսին տեղափոխել են հիվանդանոց պարզելու, թե նա թմրամիջոցներից կախվածություն ունի՞, թե՞ ոչ: Այնուհետև նա ձերբակալվել է բնակարան անօրինական ներխուժման, սեռական բնույթի ոտնձգության և զենքի անօրինական կիրառման մեղադրանքով: