Ասադը հայտարարել է նախագահական ընտրություններ անցկացնելու պատրաստակամության մասին

Սիրիայի նախագահ Բաշար Ասադը հայտարարել է, որ պատրաստ է առաջադրվել հաջորդ նախագահական ընտրություններում, եթե լինի ժողովրդի կամքը: Այդ մասին երկրի ղեկավարը հայտարարել է Դամասկոսում ռուսական խորհրդարանականների պատվիրակության հետ հանդիպման ժամանակ:

«Ասադն ասել է, որ եթե Սիրիայի ժողովուրդը անհրաժեշտ համարի, նա դեմ չի լինի մասնակցել նախագահական ընտրություններին»,- Պետդումայի պատգամավոր Ալեքսանդր Յուշչենկոյի խոսքերը Ասադի հետ հանդիպումից հետո մեջբերում է ՌԻԱ Նովոստին:

Հիշեցնենք, որ նախօրեին Ռուսաստանի արտաքին գործերի նախարար Սերգեյ Լավրովը հայտարարել է, որ Սիրիայում քաղաքական գործընթացը պետք է ընդգրկի խորհրդարանական և նախագահական ընտրությունների անցկացումը: