Մարսելում հրաձգության հետեւանքով երեք մարդ է զոհվել
Աշխարհ
Գոկտեմբերի 25-ի գիշերը ֆրանսիական Մարսել քաղաքում անհայտ անձինք կրակ են բացել ինքնաձիգ հրազենից: Ինչպես տեղեկացնում է «Արմենպրես»-ը' վկայակոչելով ՏԱՍՍ գործակալությունը, այս մասին հայտնել է Provence տարածաշրջանային թերթը:
Թերթի տվյալներով, զոհվել է երեք մարդ, որոնցից երկուսը 15-ամյա անչափահասներ են: Հրաձգության երրորդ զոհը 23 տարեկան էր: Պատահարի վայր առաջինը ժամանած փրկարարաներին չի հաջողվել փրկել ծանր վիրավորվածներին: Պատահարը տեղի է ունեցել «Լորյե» թաղամասում' բնակելի տան շքամուտքի մոտ:
Մարսելում ինքնաձիգ հրազենի կիրառմամբ հրաձգությունները առավել հաճախակի են դառնում: Քաղաքում գործում են մի խումբ հանցագործ խմբավորումներ, որոնք զբաղվում են թմրամիջոցների տեղափոխմամբ ու վաճառքով: Նրանք միմյանց դեմ մշտական պայքարի մեջ են վաճառքի տարածքի համար' փորձելով կիսել քաղաքը: Թմրանյութերի վաճառքում լայնորեն ներառվում են անչափահասներ, քանի որ ոստիկանության կողմից ձերբակալվելու ու դատապարտվելու պարագայում նրանք ավելի փոքր պատիժ են ստանում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
