Աֆղանստանի երկրաշարժի զոհերի թիվը հասել է 180-ի

Շուրջ 180 մարդ է մահացել Աֆղանստանում, նաև' Հնդկաստանի և Պակիստանի մի քանի նահանգներում տեղի ունեցած երկրաշարժի հետևանքով;

Ինչպես հաղորդում է «Արմենպրես»-ը' վկայակոչելով Interfax-ը, այս մասին հայտնել է բրիտանական The Guardian-ը' նշելով, որ պաշտոնական տվյալներով' Պակիստանում մահացել է 147, Աֆղանստանում' 33 մարդ: Տուժած երկրների լեռնային շրջաններից դեռ ստացվում են ավերածությունների մասին տեղեկություններ:

Աֆղանստանի հյուսիս-արևելյան հատվածում գտնվող Տալուկա քաղաքի դպրոցում մահացել է 12 աղջիկ, իսկ Բադախշան նահանգի ծայրամասային հատվածներում ավերվել են տասնյակ տներ: Ուժեղ ստորգետնյա ցնցումները զգացվել են Քաբուլում, շատ կառույցներ մնացել են առանց էլեկտրամատակարարման, հեռախոսային կապի: Իշխանությունները հայտարարել են, որ զոհերի թիվը կարող է կտրուկ աճել, քանի որ դեռ բոլոր շրջանների մասին տեղեկությունները հավաքված չեն: