Ինդոնեզիան կարող է արտակարգ դրություն հայտարարել անտառային հրդեհների պատճառով
Աշխարհ
Ինդոնեզիան կարող է արտակարգ դրություն հայտարարել երկրում մոլեգնող անտառային հրդեհների պատճառով: Այդ մասին, ինչպես տեղեկացնում է «Արմենպրես»-ը, հաղորդել է Straits Times թերթը՝ հղում անելով Ինդոնեզիայի փոխնախագահ Յուսուֆ Կալլային:
Ինչպես հայտարարել է Կալլան, ներկայումս այդ միջոցը քննարկվում է երկրի կառավարության կողմից, վերջնական որոշումը պետք է ընդունի Ինդոնեզիայի նախագահ Ջոկո Վիդոդոն՝ ԱՄՆ իր այցի ավարտից հետո:
Հրատարակության տվյալներով՝ երկրում արտակարգ դրության հայտարարումը կառավարությանը թույլ կտա համազգային ռեսուրսներ գործի դնել ճգնաժամի դեմ պայքարելու համար:
Ավելի վաղ Ինդոնեզիայի օդերևութաբանության, կլիմայագիտության և երկրաֆիզիկայի ազգային վարչությունը հաղորդել է, որ անտառային հրդեհների հետևանքներն զգացվում են արդեն աշխարհի խոշորագույն արշիպելագի տարածքի երեք քառորդում:
Ինդոնեզիան հրդեհների մարման՝ իր պատմության մեջ խոշորագույն գործողությունն է անցկացնում. միայն ցամաքում դրանց դեմ պայքարում են 22 հազարից ավելի զինվորներ ու ոստիկաններ, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
