Երկրաշարժի զոհերի թիվը Պակիստանում մոտենում է 270-ի

Աֆղանստանում տեղի ունեցած երկրաշարժի հետեւանքով զոհված պակիստանցիների թիվը հասել Է 268-ի: Հոկտեմբերի 29-ին հայտնել է Պակիստանի՝ Աղետների հաղթահարման ազգային վարչությունը: Ավելի վաղ հաղորդվել Էր 255 զոհվածների մասին:

Վարչության տվյալների համաձայն՝ վիրավորների ընդհանուր թիվը հասել Է 1864-ի, ավերվել Է 13 հազար 771 տուն: Ընդսմին երկրաշարժից առավել տուժած Հայբեր-Փահթունհվա նահանգում զոհվել է 221 մարդ եւ ավերվել 12 հազար 968 տուն:

«Ներկայում վարչությունը երկրաշարժից տուժածներին բաժանել է 13 հազար վերմակ, 8750 վրան, 3,5 հազար ներքնակ, 7 տոննա փաթեթավորված պարեն եւ 14 տոննա շշալցված ջուր»,-ասված է գերատեսչության հաղորդագրության մեջ: Հեռահաղորդակցական բոլոր համակարգերը վերականգնված են, տուժած շրջաններում տարվում են սողանքների հետեւանքների վերացման աշխատանքներ:

7,5 մագնիտուդով երկրաշարժն Աֆղանստանում տեղի Է ունեցել հոկտեմբերի 26-ին տեղական ժամանակով ժամը 14:09-ին (Երեւանի ժամանակով ժամը 13.09-ին): Դրա օջախը գտնվում էր Ջուրմ քաղաքից 45 կիլոմետր հարավ-արեւմուտք ընկած շրջանում՝ 212,5 կիլոմետր խորության վրա: Ստորգետնյա ցնցումներն զգացվել են հարեւան Պակիստանում, Նեպալում, Հնդկաստանում, Ղրղզստանում, Ադրբեջանում եւ Ղազախստանում, հաղորդել Է ՌԻԱ Նովոստին: