Արգենտինայի պետական համալսարաններում արգելել են ընդունելության քննությունները

Արգենտինայի սենատն ընդունել է պետական համալսարաններում ընդունելության քննությունների անցկացումն արգելող օրենք։ Ինչպես տեղեկացնում է «Արմենպրես»-ը' վկայակոչելով ՏԱՍՍ-ը, այժմ բոլոր նրանք, ովքեր ստացել են միջնակարգ կրթություն, կարող են ազատ և անխոչընդոտ ընդունվել բարձրագույն ուսումնական հաստատություն։ Բացի այդ, համալսարաններին արգելվել է որևէ վճար վերցնել ուսման համար։

Միևնույն ժամանակ համալսարաններին թույլատրվել է սահմանել պահանջներ, որոնք պետք է կատարեն սովորողները' ուսանող համարվելու համար։

vesti.ru-ն հիշեցնում է, որ նախկինում այդ իրավունքն ունեին այն համալսարանները, որոնցում սովորում էր ավելի քան 50 հազար մարդ, իսկ մյուսների համար գործում էր միասնական պահանջ. ուսանողը պետք է հանձներ տարեկան առնվազն մեկ քննություն, որոշ դեպքերում' 2 քննություն:

Արգենտինայում այսօր գործում է 54 պետական համալսարան և 49 մասնավոր բարձրագույն ուսումնական հաստատություն։