Կրեմլում չեն բացառել Аirbus A-321-ի ահաբեկչության վարկածը

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ներկա պահին պետք չէ բացառել Եգիպտոսում A-321-ի կործանման որևէ տարբերակ: Ըստ նրա՝ ռուսական իրավապահ մարմինները նոր են սկսել ավիաաղետի պատճառների հետաքննությունը. փոխանցում է ren.tv-ն:

«Հիմա պետք չէ բացառել որևէ տարբերակ, հետաքննությունը նոր է սկսվում իր աշխատանքը: Ներկա պահին մենք չենք կարող ասել, թե տարբերակներից որ մեկը կխթանի հետաքննության գործողության առաջընթացին»,- ասել է Պեսկովը:

Նա նշել է, որ կարիք չկա շահարկելու այն ենթադրություններն ու կարծիքները, որոնք դեռևս ապացուցված չեն:

Հիշեցնենք, որ Շարմ էլ Շեյխ-Սանկտ Պետերբուրգ չվերթն իրականացնող ինքնաթիռը կործանվել է Սինայի թերակղզու օդային տարածքում՝ թռիչքից 23 րոպե անց։ Հայտնի է, որ 217 ուղևորով և 7 հոգանոց անձնակազմով ինքնաթիռը պայթել է օդում։