Սիրիայում ՌԴ ավիատիեզերական ուժերը ոչնչացրել են այլ երկրներից գրոհայինների պատրաստման ճամբարը

Հալեպի արվարձանում ՌԴ ավիատիեզերական ուժերը ոչնչացրել են ահաբեկիչների պատրաստման ճամբարը: Այս մասին հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը. փոխանցում է lifenews-ը:

«Հալեպի արվարձանում Սու-34 ռմբակոծիչը հարված է հասցրել ճամբարին, որը նախատեսված է գրոհայինների պատրաստման համար, ովքեր եկել են այլ երկրներից: Ավիառումբերի հարվածի արդյունքում ոչնչացվել են զինամթերքի պահեստը և ահաբեկիչների պատրաստման ենթակառուցվածքը», - ասել է Կոնաշենկովը:

Բացի այդ, գեներալ-մայորը նշել է, որ ՌԴ ավիատիեզերական ուժերի ավիացիոն խումբը վերջին երկու օրերի ընթացքում հարվածներ է հասցրել Սրիայում ահաբեկիչների 237 օբյեկտներին