Սիրիայի ընդդիմությունն Ասադի կողմնակիցներին որպես «կենդանի վահան» է օգտագործում. Daily Mail

Դամասկոսի արվարձան Դումայում տասնյակ տղամարդիկ և կանայք փակված են մետաղական վանդակներում: Նրանք օգտագործվում են սիրիական ընդդիմության կողմից որպես «կենդանի վահան», գրում է Daily Mail թերթը:

Բնակիչներից շատերը նշում են, որ դա օդային հարվածները կանխելու միակ միջոցն է, քանի որ Սիրիայի նախագահ Բաշար Ալ-Ասադը չի հարձակվի իր կողմնակիցների վրա: Հաղորդվում է, որ քաղաքում ու նրա շրջակա տարածքներում պատանդ վերցված սիրիացիներով ավելի քան 100 վանդակ է նկատվել:

YouTube կայքում հրապարակված տեսանյութում վանդակներում փակված տղամարդիկ ու կանայք խուճապի մեջ խնդրում են իրենց ազատ արձակել, ընդգծում է Daily Mail-ը: