Հարավային Սուդանում ավիավթարի հետևանքով զոհվել է ավելի 40 մարդ

Ավելի քան 40 մարդ է զոհվել Հարավային Սուդանում ինքնաթիռի վթարի հետևանքով։ Այս մասին հայտնում է Reuters-ը:

Ավելի ուշ Հարավային Սուդանի նախագահի ներկայացուցիչ Աթենի Ուեկը հաստատել է, որ զոհվել է 41 մարդ։ 2 մարդ ողջ է մնացել։ Նրանցից մեկն անձնակազմի անդամ է, մյուսը՝ երեխա։

Նշվում է, որ անձնակազմի 5 անդամները ռուս են եղել։

Ավելի վաղ հաղորդվել էր, որ  ռուսական Ան-12 ինքնաթիռն ընկել է թռիչքից անմիջապես հետո՝ Ջուբայի օդանավակայանից 800 մետր հեռավորության վրա։