Փոշու փոթորիկների պատճառով քննիչները երկրորդ օրն է, ինչ չեն կարողանում հասնել A321-ի աղետի վայր

Մի խումբ ռուս փորձագետներ եղանակային պայմանների պատճառով արդեն երկրորդ օրն է, ինչ չեն կարողանում մեկնել Կահիրեից՝ A321 ռուսական ինքնաթիռի աղետի վայր: Ինչպես հայտնել է Ռոսավիացիայի ղեկավար Ալեքսանդր Ներադկոն, պատճառը փոշու փոթորիկներն են. փոխանցում է lifenews-ը:

«Առաջին փուլը բարդանում է՝ դեպքի վայրում փոշու փոթորիկների պատճառով: Քննիչներն արդեն երկրորդ օրն է, ինչ չեն կարողանում ուղղաթիռներով թռչել ավիավթարի վայր»,- ասել է նա՝ ընդգծելով, որ ռուս ներկայացուցիչները պատրաստ են շարունակել իրենց աշխատանքը: