Ալիևը ժամանել է Թբիլիսի
Վրաստան
Ադրբեջանի նախագահ Իլհամ Ալիևը նոյեմբերի 5-ին երկօրյա պաշտոնական այցով ժամանել է Վրաստան: Թբիլիսիի օդանավակայանում նրան դիմավորել են Վրաստանի փոխվարչապետ, էներգետիկայի նախարար Կախա Կալաձեն, Ազգային անվտանգության խորհրդի քարտուղար Իրինա Իմեռլիշվիլին և Վրաստանի նախագահի վարչակազմի ներկայացուցիչները, տեղեկացնում է «Արմենպրես»-ը՝ հ ղում անելով Sputnik-ին:
Սպասվում է, որ Վրաստանի և Ադրբեջանի նախագահները հանդիպում կանցկացնեն դեմ առ դեմ, իսկ այնուհետև բանակցությունները կշարունակվեն ընդլայնված ձևաչափով:
Ադրբեջանի նախագահը հանդիպում կունենա Վրաստանի վարչապետ Իրակլի Ղարիբաշվիլիի, խորհրդարանի նախագահ Դավիթ Ուսուպաշվիլիի, ինչպես նաև Համայն Վրաստանի կաթողիկոս-պատրիարք Իլյա Երկրորդի հետ:
Այցի ընթացքում պլանավորվում է հռչակագիր ստորագրել քաղաքականության, անվտանգության, առևտրի և էկոնոմիկայի, տարանցման, մշակույթի, ինչպես նաև կրթության ու գիտության ոլորտներում համագործակցության խորացման մասին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
