Եգիպտոսը ՌԴ-ին վստահեցրել է, որ Շառմ Էլ-Շեյխի օդանավակայանից կիրականացվեն անվտանգ չվերթեր
Աշխարհ
Ռուսաստանը Եգիպտոսի իշխանություններից Շառմ Էլ-Շեյխի օդանավակայանից համապատասխան մակարդակի անվտանգ ավիաչվերթներ իրականացնելու հավաստիացումներ է ստացել և, ելնելով դրանից, ռուսական ու եգիպտական ավիացիոն ծառայությունների ղեկավարությունների միջև պահպանվում է սերտ կապ: Ինչպես հաղորդում է «Արմենպրես»-ը' վկայակոչելով «ՌԻԱ Նովոստի»-ն, այդ մասին ԶԼՄ-ների հայտնել է ՌԴ նախագահի մամուլի քարտուղար Դմիտրի Պեսկովը:
«Անկասկած, ոչ մեկ անգամ, նախկինում ևս' մինչ Սինայի թերակղզում տեղի ունեցած ողբերգությունը, մենք ելնում էինք նրանից, որ չվերթների անվտանգությունը և թռիչքների հետ կապված բոլոր գործընթացները պետք է ապահովվեն համապատասխան մակարդակով»,- ասել է Պեսկովը' պատասխանելով հարցին' արդյոք ռուսական կողմը եգիպտական իշխանություններից ստացել է համապատասխան հավաստիացումներ, որ Շառմ Էլ-Շեյխի օդանավակայանում իրականացվել են անվտանգության ապահովման համապատասխան քայլեր:
Հոկտեմբերի 31-ին Սինայի թերակղզում տեղի ունեցած ռուսական «Կոգալիմավիա» ընկերության Airbus A321 ինքնաթիռի վթարի հետևանքով զոհվել է 224 մարդ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
