Մինսկը կնպաստի խաղաղությանը մայրցամաքում. Լուկաշենկո
Աշխարհ
Ալեքսանդր Լուկաշենկոն մայրցամաքում խաղաղությանն ու համագործակցությանը նպաստելը համարել է իր կարևորագույն խնդիրներից մեկը Բելառուսի նախագահի պաշտոնում: Այս մասին հայտնում է ՌԻԱ «Նովոստին»:
Հոկտեմբերի 11-ին տեղի ունեցած նախագահական ընտրություններում Բելառուսի ղեկավարի պաշտոնում վերընտրվել է Ալեքսանդր Լուկաշենկոն:
«Մենք գտնվում ենք Եվրոպայի կենտրոնում՝ բոլոր ճանապարհների խաչմերուկում, և այդ ճանապարհը ոչ միշտ է եղել բարեհաջող: Մեր երկիրը Եվրոպան և Ասիան միացնող ամենաանվտանգ հուսալի երթուղին է: Այդ քաղաքակրթություններն անշուշտ կսկսեն մերձենալ, քանի որ ինտեգրման այլընտրանք դեռ ոչ ոք չի հորինել»,- ասել է Լուկաշենկոն ուրբաթ Մինսկում նախագահի պաշտոնը ստանձնելու կապակցությամբ երդմնակալությունից հետո:
Արևմուտքի և Արևելքի հակամարտությունը միայն հանգեցնում է հակամարտությունների, մարդասիրական աղետների, մարդկանց կենսամակարդակի կտրուկ անկման հետագա սրման՝ ասել է Լուկաշենկոն:
«Բելառուսները՝ որպես տոլերանտ ազգ, աշխարհում ամեն կերպ կնպաստեն մայրցամաքում փոխըմբռնման և համագործակցության աճին՝ պետությունների և ժողովուրդների միջև կապող օղակ դառնալու համար: Դրանում եմ տեսնում կարևորագույն խնդիրներից մեկը նախագահի պաշտոնում»,- նշել է Լուկաշենկոն:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
