Իսլամական ահաբեկչությունն ԱՄՆ ազգային անվտանգության գլխավոր սպառնալիքն է. Ջեբ Բուշ
Աշխարհ
Հանրապետական կուսակցությունից ԱՄՆ նախագահի թեկնածու Ջեբ Բուշը իսլամական ահաբեկչությունը համարում է ԱՄՆ ազգային անվտանգության գլխավոր սպառնալիքը: Այս մասին հայտնում է ՌԻԱ «Նովոստին»:
«Ես կասեի, որ դա իսլամական ահաբեկչությունն է»,- ասել է Բուշը՝ հանրապետական թեկնածուների դեբատների ընթացքում պատասխանելով հարցին:
Նրա գնահատմամբ՝ նախագահ Բարաք Օբաման իր արտաքին քաղաքականությամբ ցուցադրել է ամերիկյան առաջնորդության հավատի բացակայությունը: «Արդյունքում մենք այժմ ունենք Ինդիանայի չափերի խալիֆաթ (ԻՊ), որին ամենօրյա էներգիայի աղբյուրներ են պետք. նրանք զինյալներ են հավաքում մեր երկրից: ԱՄՆ-ի ազգային անվտանգության սպառնալիքը կապված է այն բանի հետ, որ մենք չենք լուծել ահաբեկչության խնդիրը Մերձավոր Արևելքում»,- ասել է նա:
Այդ կապակցությամբ նա հայտարարել է, որ «Սիրիայում անհրաժեշտ է ստեղծել թռիչքազերծ գոտի և անհրաժեշտ է աջակցել սիրիական ազատ բանակին»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
