ՌԴ ավիատիեզերական ուժերի աջակցությամբ սիրիական զորքերն ազատագրել են Քվայրես օդանավակայանը

Սիրիայի կառավարական ուժերը ռուսական ավիացիայի աջակցությամբ ազատագրել են Հալեպի նահանգում գտնվող Քվայրես ռազմական օդանավակայանը, որն ավելի քան երկու տարի շրջապատված է եղել զինյալներով, տեղեկացնում է ՌԻԱ «Նովոստին»:

Այս մասին լրագրողների հետ զրույցում հայտնել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը:

Օդանավակայանը շրջապատող ահաբեկիչների կրակային դիրքերի և հենակետերի տեղակայման մասին տեղեկությունները ստացվել են սիրիական ընդդիմության ներկայացուցիչների կողմից և հաստատվել Բաղդադի տեղեկատվական կենտրոնում, նշել է գեներալը: