Ադրբեջան փողի փոխանցումները 32 տոկոսով նվազել են

Այս տարվա հունվար-սեպտեմբեր ամիսներին արտասահմանից Ադրբեջան փողի փոխանցումների ծավալը կազմել է 863 մլն դոլար:

Այս մասին, ինչպես հաղորդում է «Արմենպրես»-ը, հայտնում է fins.az լրատվական կայքը' հղում կատարելով Ադրբեջանի կենտրոնական բանկի հրապարակած դրամային քաղաքականության տեղեկագրին:

Տեղեկագրի համաձայն' դրամային փոխանցումների անդորրագրերի ընդհանուր թիվը, անցյալ տարվա նույն ժամանակահատվածի համեմատ, 31,9 տոկոսով փոքր է:

Ադրբեջանի ԿԲ-ն փողային փոխանցումների նվազումը բացատրել է տնտեսական համագործակցության երկրներում ստեղծված վիճակով: