Ադրբեջանի քաղաքացին Ռուսաստանում սպանել է ամուսնական զույգին և թալանել
Աշխարհ
Լենինգրադի մարզային դատարանը 18 տարի ժամկետով ազատազրկման պատիժ է սահմանել Ադրբեջանի քաղաքացի Ֆահրաթ Ալի օղլու Ալիեւի նկատմամբ:
Ինչպես հաղորդում է «Արմենպրես»-ը' վկայակոչելով ռուսաստանյան ԶԼՄ-ները, ադրբեջանցին մեղավոր է ճանաչվել երկու անձանց սպանելու, ավազակություն, ապօրինի հրազեն եւ ռազմամթերք պահելու հոդվածներով:
Հաստատվել է, որ Ալիեւը բնակվել է Սանկ Պետերբուրգում եւ զբաղվել է մասնավոր փոխադրումներով: 2014 թվականի փետրվարին, իր մեքենայում գտնվող ուղեւորների վրա հարձակման նպատակով նա ամուսնական զույգին իֆչ-որ հեղուկ է խմեցրել, որից տուժածները կորցրել են գիտակցությունը:
Դրանից հետո Ալիեւը նրանց տարել է Լենինգրադի մարզի Կիրովի շրջանի ամայի վայր, գողացել նրանց մոտ եղած ունեցվածքը, այդ թվում' բանկային քարտերը, որոնցից հետո 255 հազար ռուբլի (38525 դոլար) գումար է հանել:
Տուժածները մահացել են գիտակցության չգալով' ցրտից սառչելու հետեւանքով: Բացի այդ, ձերբակալությն ժամանակ Ալիեւի ավտոմեքենայում ատրճանակ եւ փամփուշտներ են հայտնաբերվել:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
