Գերմանա-ֆրանսիական սահմանին գնացքներից դուրս են հանում արաբներին

Գերմանա-ֆրանսիական սահմանին լրացուցիչ նախազգուշական միջոցներ են ձեռնարկվել: Ըստ նախնական տվյալների՝ գնացքներից հանում են արաբական արտաքին ունեցող մարդկանց, հայտնում է lifenews-ը:

Հիշեցնենք՝  լույս նոյեմբերի 14-ի գիշերը Փարիզի մի քանի շրջաններում ահաբեկիչները կրակ են բացել խաղաղ քաղաքացիների վրա, իսկ իսկ Stade de France մարզադաշտի մոտ, որտեղ ընթացել է ընկերական հանդիպում Ֆրանսիայի և Գերմանիայի ֆուտբոլի ազգային հավաքականների միջև, երեք պայթյուն է որոտացել, որոնցից երկուսն իրականացրել են մահապարտ ահաբեկիչները:

Զինյալներ պատանդ են վերցրել «Բատակլան» համերգասրահի հանդիսատեսին, որոնք եկել են Eagles of Death Metal ամերիկյան ռոք խմբի համերգին: Մի քանի ժամ անց, Ֆրանսիայի ոստիկանությունը ներխուժեց շենք՝ վերացնելով երեք գրոհայինի: Ահաբեկչության հետևանքով զոհվել 153 մարդ:

Պատասխանատվությունը ստանձնել է ԻԼԻՊ ահաբեկչական խմբավորումը: Նրա կողմնակիցները տոնել են զինյալների հարձակումը՝ տարածելով սոցիալական ցանցերում Փարիզում տեղի ունեցած ահաբեկչությունների մասին նորություններ՝ «Փարիզը կրակի մեջ» հեշթեգով: Ենթադրվում է, որ ահաբեկչական հարձակումների շարքը ԻԼԻՊ-ի գխավոր դահիճ Ջիհադի Ջոնի սպանության վրեժն է: